March 16, 2018
Sa aming mga minamahal na Miyembro Konsumedores:
PAKSA: Isinagawa ang kauna unahang stategic planning ng League of Electric Cooperative Information and Communication Officers Nationwide (LEXICON) sa First Bukidnon Electric Cooperative Inc (FIBECO) sa Maramag Bukidnon noong March 7-11, 2018.
Isinagawa ang kauna unahang stategic planning ng League of Electric Cooperative Information and Communication Officers Nationwide (LEXICON) sa First Bukidnon Electric Cooperative Inc (FIBECO) sa Maramag Bukidnon noong March 7-11, 2018. Mismong si NEA Administrator Edgardo R. Masongsong ng National Electrification Administration (NEA) ang nanguna sa pagbibigay ng mga alituntunin at pangunahing gagawin ng mga opisyal ng asosasyon ng Information Officers ng mga electric cooperative upang makamit ang target nitong mapagtibay at mabigyan ng higit na atensiyon ang lahat ng mga member consumers ng koop. Ang mga Info Officers bilang mga kawani ng koop na siyang nagunguna sa larangan ng media ang siyang magiging taga hatid ng balita upang maisulong ang minimithi nito sa mga konsumedores na mapalakas ang kanilang sektor. Umani naman ng papuri ang mga koop na nagsilbing host coops sa naturang meeting na pinangungunahan ng FIBECO, BUSECO o Bukidnon Electric Cooperative Inc at MORESCO o Misamis Oriental Electric Cooperative Inc.
ANG TAGAPAMAHALA
March 09, 2018
Sa aming mga minamahal na Miyembro Konsumedores:
PAKSA: Ang pagbubukas ng Member Consumers Center ng First Bukidnon Electric Cooperative Inc (FIBECO) sa mismong tabi ng headquarters nito sa Maramag Bukidnon noong March 8, 2018.
Pinangunahan ni Administrator Edgardo R. Masongsong ng National Electrification Administration (NEA) ang pagbubukas ng Member Consumers Center ng First Bukidnon Electric Cooperative Inc (FIBECO) sa mismong tabi ng headquarters nito sa Maramag Bukidnon noong March 8, 2018 kasama ang mismong general manager ng FIBECO Reynaldo Balaba, LEYECO General Manager Allan Laniba at mga national officials ng League of Electric Cooperative Information and Communication Officers Nationwide (LEXICON). Ang naturang building ay magsisilbing sentro ng Member Consumers Organization para sa malawakang pagsusulong ng mga programa ng NEA at koop para kapakanan ng mga member-consumers.
ANG TAGAPAMAHALA
March 08, 2018
Sa aming mga minamahal na Miyembro Konsumedores:
PAKSA: SCHEDULE OF POWER INTERRUPTION IN SIBUYAN ISLAND!
ANG TAGAPAMAHALA
February 22, 2018
Sa aming mga minamahal na Miyembro Konsumedores:
PAKSA: Inimbitahan ng Liga ng mga Barangay ng munisipyo ng Romblon ang Romblon Electric Cooperative Inc. (ROMELCO) bilang isa sa tagapagsalita sa kanilang regular session noong February 21, 2018 sa ABC Hall Barangay Bagacay Romblon.
Inimbitahan ng Liga ng mga Barangay ng munisipyo ng Romblon ang Romblon Electric Cooperative Inc. (ROMELCO) bilang isa sa tagapagsalita sa kanilang regular session noong February 21, 2018 sa ABC Hall Barangay Bagacay Romblon. Layunin ng imbitasyon na makapagbigay ang koop ng mga impormasyon hinggil sa mga programa nito na ipinapatupad sa mga barangay lalong lalo na sa palibreng pakuryente para sa mga wala pang serbisyo ng kuryente sa kanilang mga kabahayan na walang pinansiyal na kakayahang magpakabit nito. Binigyang diin sa pagpupulong ang mga bagong proyekto ng ROMELCO kabilang na ang Wind Turbine at Biomass Gasifier na kapwa mga Renewable Energy na malawakang isinusulong ng koop para sa pagpapaunlad pa ng serbisyo nito sa kanyang mga member-consumers. Ipinadala ng ROMELCO ang Information Officer nito na si Miss Alma Baron Regala upang maging tagapagsalita sa nasabing meeting.
ANG TAGAPAMAHALA
February 22, 2018
Sa aming mga minamahal na Miyembro Konsumedores:
PAKSA: Malawakang Informational Dissemination ang isinagawa ng ROMELCO sa mga Barangay at munisipyo ng Romblon kung saan itatayo ang proyektong “Wind Turbine” noong February 19-20, 2018.
Malawakang Informational Dissemination ang isinagawa ng Romblon Electric Cooperative, Inc (ROMELCO) sa mga Barangay ng Agnay Lonos at Bagacay munisipyo ng Romblon kung saan itatayo ang proyektong “Wind Turbine”. Sinimulan ang meeting sa mga naturang barangay noong February 19-20, 2018 upang agarang maipaalam sa mga residente ang ginagawang proyekto sa kanilang barangay lalong lalo na ang positibong hatid nito sa mga member consumers ng Romelco sa kabuuan. Buong pwersa din ang suporta ng lahat ng mga miyembro ng Board of Directors ng Romelco sa proyekto at aktibo din sila sa pagsali sa mga informational meetings ng koop sa bawat barangay.
ANG TAGAPAMAHALA
February 17, 2018
Sa aming mga minamahal na Miyembro Konsumedores:
PAKSA: Magkakaroon po ng Informational Meeting sa mga lugar na nasasakupan ng proyektong Wind Turbine simula Feb 19 – 20.
Nais pong ipaalam ng Romblon Electric Cooperative Inc (ROMELCO) na magkakaroon po ng Informational Meeting sa mga lugar na nasasakupan ng proyektong Wind Turbine. Layunin ng meeting na maipaalam sa mga member consumers ng mga barangay ang operayon ng pagtatayo ng project at ang mabuting maihahatid nito sa serbisyo ng kuryente sa munisipyo ng Romblon.
Schedule of Meetings
Barangay Agnay
Feb 19, 2018. 2PM
Venue: Barangay Hall Bagacay
Barangay Lonos
Feb 20, 2018. 9AM
Venue: Jose Macabata House Sitio Lusod, Lonos
Barangay Agnay
Feb 20, 2018. 2PM
Venue: Barangay Hall Agnay
ANG TAGAPAMAHALA
February 13, 2018
Sa aming mga minamahal na Miyembro Konsumedores:
PAKSA: Puspusan ang ginagawang paghahakot ng ROMELCO sa mga materyales para sa Biomass Gasifier Project at sa kasalukuyan ang pagdeliber na ng malalaking gasifier at makina ang nauna ng ginawa noong Sabado February 10, 2018.
Puspusan din ang ginagawang paghahakot ng Romblon Electric Cooperative, Inc (ROMELCO) sa mga materyales para naman sa Biomass Gasifier Project na itatayo sa Sitio Bagong Silang Barangay Alad Romblon, Romblon na sinimulan ang pagtatayo ng planta sa kanilang lugar ng nakaraang taon. Sa kasalukuyan ang pagdeliber na ng malalaking gasifier at makina ang nauna ng ginawa noong Sabado February 10, 2018 at dinala sa Barangay Alad upang masimulan na din ang instulasyon nito at makapagbigay na din ng serbisyo ng kuryente sa humigit kumulang limampung pamamahay sa mismong sitio na wala pang serbisyo ng kuryente sa kanilang mga bahay.
ANG TAGAPAMAHALA
February 12, 2018
Sa aming mga minamahal na Miyembro Konsumedores:
PAKSA: Nagsimula ng magsidatingan ang mga equipment na gagamitin sa proyektong “Wind Turbine” noong January 21, 2018 sa Romblon, Romblon.
Nagsimula ng magsidatingan ang mga equipment na gagamitin sa proyektong “Wind Turbine” noong January 21, 2018 sa Romblon, Romblon. Ang nasabing project kung saan itatayo sa mga Barangay ng Agnay, Bagacay at Lonos sa munisipyo ng Romblon ay sinisikap ng Romblon Electric Cooperative, Inc (ROMELCO) na mapabilis ang pagsasagawa upang makatulong na mas mapaganda pa ang serbisyo ng kuryente sa nasasakupan nito.
ANG TAGAPAMAHALA
January 30, 2018
Sa aming mga minamahal na Miyembro Konsumedores:
PAKSA: Bumisita ang Busuanga Island Electric Cooperative Inc (BISELCO) ng Palawan sa Romblon Electric Cooperative Inc (ROMELCO) noong January 26-27, 2018 upang magsagawa ng site visit sa mga Renewable Energy na proyekto ng ROMELCO dito sa probinsya ng Romblon.
Bumisita ang Busuanga Island Electric Cooperative Inc (BISELCO) ng Palawan sa Romblon Electric Cooperative Inc (ROMELCO) noong January 26-27, 2018 upang magsagawa ng site visit sa mga Renewable Energy na proyekto ng ROMELCO dito sa probinsya ng Romblon. Naunang pinuntahan ng grupo ang Solar Hybrid Project sa Barangay Cobrador, Romblon at sinunod ang Cantingas Hydro Power Plant sa Barangay Taclobo, San Fernando Romblon. Ang grupo ng BISELCO na pinangunahan ni GM Ruth Galang kasama ang mga Board Directors nito ay naglalayong magsagawa din ng mga Renewable Energy sa kanilang coverage area sa hinaharap kung kaya’t pinilit nilang mabisita ang Romelco na isa sa mga koop ng kuryente sa ilalim ng National Electrification Administration (NEA) na mayroon ng mga renewable projects sa kanyang nasasakupan.
ANG TAGAPAMAHALA
January 25, 2018
Sa aming mga minamahal na Miyembro Konsumedores:
PAKSA: Magkakaroon po ng mga power interruption sa mga sumusunod na lugar dahil magsasagawa po ng line maintenance ang mga kawani ng ROMELCO sa ating mga linya etong darating na Sabado January 27, 2018.
Para sa lahat ng Member-Consumers ng ROMELCO sa munisipyo ng Romblon, magkakaroon po ng mga power interruption sa mga sumusunod na lugar dahil magsasagawa po ng line maintenance ang mga kawani ng ROMELCO sa ating mga linya.
Ang schedule po ng ating mga brownouts ay ang sumusunod;
Sabado January 27, 2018
8 am to 9 am (first session)
4 pm to 5 pm (second session)
Mula sa MBRS Ticketing Office
sa Brgy 1 to Brgy. Apanabat
Romblon
8 am to 5 pm (last session)
Mula JNBER Gas Station sa Brgy 2
hanggang MBRS Ticketing Office
Brgy 1 Romblon
Ito po ay para sa inyong kaalaman. Maraming Salamat po.
ANG TAGAPAMAHALA
