July 16, 2018
Sa aming mga minamahal na Miyembro Konsumedores:
PAKSA: Puspusan ang isinagawang informational meeting sa Barangay Cobrador Romblon, Romblon noong July 13, 2018 Biernes ng Romblon Electric Cooperative Inc (ROMELCO) upang maipaabot sa lahat ng mga residente ang kasalukuyang sitwasyon ng serbisyo ng kuryente.
Puspusan ang isinagawang informational meeting sa Barangay Cobrador Romblon, Romblon noong July 13, 2018 Biernes ng Romblon Electric Cooperative Inc (ROMELCO) upang maipaabot sa lahat ng mga residente ang kasalukuyang sitwasyon ng serbisyo ng kuryente partikular ang paghinto ng operasyon ng Solar Hybrid Power Plant at kung bakit nagsasagawa ng load shedding o paghahati hati ng natitirang suplay mula naman sa diesel genset.
Binigyang atensiyon ng Romelco ang clearing sa lugar o paglilinis ng mga sanga ng puno na dumidikit na sa linya ng kuryente. Ang right of way clearing ay mahigpit na isinasagawa ng koop upang maiwasan ang mga line faults pagdating ng tag ulan o masama ang panahon upang maiwasan ang brownouts na sanhi ng “line faults” na puwedeng humantong sa pagkasira ng mga “equipment” gaya ng transformers o mga makina.
Positibo naman ang naging aksiyon ng mga taga Barangay Cobrador partikular ang mga residente ng Sitio Sangat, Suton at Layag. Samantalang ang ilang residente ng Sitio Maracaycay, Nalumos, Cabugaan at Barukan (Ilaya) ay hindi nakarating sa meeting dahil na din sa hindi sila masyadong apektado ng “load shedding” . Ngunit nais iparating ng koop na dapat ay may damdamin ang mga miyembro konsumedores na isabuhay ang kanilang karapatan na makinig sa pa meeting ng kanilang koop ng kuryente, malaman ang tunay na sitwasyon ng sa gayon sila mismo ay makapagbigay ng tamang suhistiyon at pagtimbang sa sitwasyon.
ANG TAGAPAMAHALA
July 16, 2018
Sa aming mga minamahal na Miyembro Konsumedores:
PAKSA: Kasabay ng pagkamatay at muling pagkabuhay ni Cardo Dalisay sa teleseryeng Ang Probinsiyano ay siya ring pagkawala ng serbisyo ng kuryente sa munisipyo ng Romblon dalawang gabi (Martes at Miyerkules July 10-11,2018) na ang nakakalipas.
Kasabay ng pagkamatay at muling pagkabuhay ni Cardo Dalisay sa teleseryeng Ang Probinsiyano ay siya ring pagkawala ng serbisyo ng kuryente sa munisipyo ng Romblon dalawang gabi (Martes at Miyerkules July 10-11,2018) na ang nakakalipas.
Ang dahilan po ng mga hindi inaasahang interapsiyon ng kuryente ay pag “tripped” ng linya ng kuryente o pagkaputol ng daloy ng kuryente sa linya dahil sa pagdikit ng jumper sa mismong tower nito sa planta ng National Power Corporation (NPC) sa Barge nila sa Barangay Bagacay Romblon. Sa madaling salita nagkakaroon ng paggalaw sa linya ng kuryente sa NPC Power Barge dahil sa lakas ng galaw ng dagat o “current” kayat may mga hindi inaasahang pagpatay ng kuryente.
Load Shedding
Ang “load shedding” naman ay paghahati hati ng kuryente sa natitirang suplay nito na isinasagawa naman ngayon sa buong Barangay ng Cobrador dahil nagkaroon ng sira ang planta ng Solar Hybrid doon kayat ang diesel genset lang muna ang siyang nagsusuplay ng kuryente sa buong barangay.
Isinasagawa din ang load shedding tuwing “peak hour”o oras kung saan halos lahat ng konsumedores ay gumagamit ng kuryente at muling ibinabalik din naman ang serbisyo sa lahat pag lumipas na ang mga oras na ito.
Row Clearing
Nagsasagawa din ng malakawang “line maintenance” sa Brgy Cobrador o pag “clearing” ng linya lalong lalo na sa may mga nakasayad na mga sanga ng puno dahil ito ay isa rin sa naging dahilan ng pagkasira ng Solar Hybrid Power Plant. Ang mga linya ng kuryente ay may kinakailangang “clearance” o distansiya sa mga bagay partikular sa mga puno dahil pag ito ay dumikit sa linya ay nagiging sanhi ng “line fault” na nagiging sanhi ng mga interapsiyon lalong lalo na kung masama ang panahon.
Ang lahat ng aksiyon upang agarang mabigyan ng solusyon ang lahat ng ito ay mabilis na ipinatutupad upang maibalik ang normal na operasyon sa ating lahat.
Ito po ay para sa inyong kaalaman. Maraming Salamat po.
ANG TAGAPAMAHALA
July 16, 2018
Sa aming mga minamahal na Miyembro Konsumedores:
PAKSA: Nagsagawa na ng pagtesting ang planta ng Biomass Gasifier sa Sitio Bagong Silang Barangay Alad Romblon nuong July 7, 2018 ng Sabado para sa inisyal na pagsisimula nito.
Click link to see video
Nagsagawa na ng pagtesting ang planta ng Biomass Gasifier sa Sitio Bagong Silang Barangay Alad Romblon nuong July 7, 2018 ng Sabado para sa inisyal na pagsisimula nito. Pinangunahan ni Mr. Priyam Kumar Representative ng Ankur company na nagmula pa sa India at gumagawa ng mga makinang disenyo para sa gasifier.
Tagumpay ang isinawang testing at makikita sa video ang torch na nagbubuga na ng gas para makapag prodyus ng kuryente. Patuloy pa din ang testing na ginagawa at tinututukan ang mga klase ng panggatong na ilalagay dito kasama na ang coconut branch o “pakyang ng niyog” gayundin ang mga kahoy bastat ito ay tuyo na at nakaputol ng maayos.
ANG TAGAPAMAHALA
July 07, 2018
Sa aming mga minamahal na Miyembro Konsumedores:
PAKSA: Nagsagawa ng sama samang inspeksiyon ang mga ahensiya ng Romblon Electric Cooperative Inc. (ROMELCO) Romblon Water Districts (RWD) Office of the Municipal Engineering, Rural Health Unit at Lokal na Pamahalaan ng Romblon sa proyektong wind turbine noong July 4, 2018
Nagsagawa ng sama samang inspeksiyon ang mga ahensiya ng Romblon Electric Cooperative Inc. (ROMELCO) Romblon Water Districts (RWD) Office of the Municipal Engineering, Rural Health Unit at Lokal na Pamahalaan ng Romblon sa pangunguna ni Vice Mayor Mart Arthur Silverio sa proyektong wind turbine ng Romelco sa Brgy. Bagacay, Lonos at Agnay Romblon gayundin sa Tuyo Tuyo Reservoir ng Romblon Water District noong July 4, 2018 upang personal na makita ng mga lider ng ahensiya ng munisipyo ang tunay na dahilan sa isyung paglubog ng tubig tuwing tag ulan at mabigyan na din ng agarang solusyon ang problema dito.
Inatasan ng butihing Mayor Mariano Anoy Mateo ng Romblon si Vice Mayor Silverio na pangunahan ang gagawing aksiyon ng sa gayon ay agad na mabigyan ng solusyon ang problema sa tubig. Binigyang diin din ni Vice Mayor Silverio na ang bawat ahensiya ay dapat na tumupad sa responsibilidad na ibibigay sa kanila sakaling may makitang mali at pagkukulang sa mga proyekto nila.
Ang ginawang sabayang inspeksiyon ay upang mahanap ang solusyon sa kinaharap na suliranin at mabigyan din ng karapat dapat na aksiyon ng mga ahensiyang may kinalaman sa usaping ito ang dapat na unahin para sa kapakanan ng nakararami.
Gaya ng pagharap ng Romelco sa mga hamon ng buhay na ibinibigay dito hindi ito kaylaman tatalikud sa mga responsibilidad na itatakda sa kanya kung kinakailangan higit lalo na para sa kapakanan ng serbisyong pampubliko.
ANG TAGAPAMAHALA
July 06, 2018
Sa aming mga minamahal na Miyembro Konsumedores:
PAKSA: Ang mga opisyales ng Multi Sectoral Electrification Advisory Council (MSEAC) sa tatlong distrito (1-3) ay nagkaroon ng quarterly meeting simula ng July 5-6, 2018 sa conference hall ng headquarters ng Romblon Electric Cooperative Inc (ROMELCO) sa Brgy Capaclan Romblon.
Aktibong nakipagsabayan ng palitan ng ideya ang lahat ng opisyales ng Multi Sectoral Electrification Advisory Council (MSEAC) sa tatlong distrito (1-3) para sa kanilang quarterly meeting simula ng July 5-6, 2018 sa conference hall ng headquarters ng Romblon Electric Cooperative Inc (ROMELCO) sa Brgy Capaclan Romblon.
Bawat distrito ay may kanya kanyang proyektong tinututukan upang makatulong sa ating mga member consumers. Ang district 1 na nagpanukalang dapat na magkaroon ng mga solar panel ang mga evacuation center ng lahat ng barangay sa nasasakupan ng Romelco upang kahit na magkaroon ng sakuna ay maging handa at may mapagkukunan pa din ng kuryente. Ito ay panukala ni Kap Jose Luis Andres ng Brgy 4 Poblacion na tumatayong representante ng sektor ng Brgy Council sa District 1 na sinang ayunan naman ng buong miyembro ng MSEAC sa pangunguna ni Mr. Chris G. Mazo.
Ang district 2 naman sa pangunguna ni MSEAC Ferederation President Nelly Taupo ay nagsumite ng panukala na mabigyan ng palibreng pakuryente ang dalawang Catholic Chapel sa Sitio Tagaytay Brgy Lonos at Sitio Wirelss Bagacay Romblon upang sa gayon ay may magamit na kuryente ang mga tao doon pag nagsisimba. Ito ay suporta sa problemang isinangguni ni Mr Rene Fortunato representante ng Religious sector ng District 2. Samantalang ang media representative na si Mr.Gotardo Montero ay binuksan naman ang usapin hinggil sa pagbabalik ng “Romelco Hour” o programa ng Romelco sa radio tuwing linggo ng umaga.
Ang district 3 naman sa pangunguna ni District Chairman Leonardo Marino ay tinutukan ang mga magiging opisyales ng Member Consumers Organization (MCO) sa buong distrito nito at ang ilang kasamahan sa organisasyon nila upang maging aktibong tagabandala ng mga programa sa buong area nila. Ayon sa kanya mas nakabubuting lahat ng barangay ay magkaroon ng representante sa MSEAC ng sa gayon ay mapabilis ang pagpapaabot ng mga programang pakuryente.
Nakatakda namang isagawa ang meeting ng MSEAC para sa distrito 4-6 sa isla ng Sibuyan sa susunod na linggo matapos ma briefing ang mga nakatakdang gawing opisyales sa munisipyo ng Banton, Romblon.
ANG TAGAPAMAHALA
June 29, 2018
Sa aming mga minamahal na Miyembro Konsumedores:
PAKSA: Sa muli ang paglilinaw na ito ay walang nais na siraing institusyon o tao bagkus gustong bigyang linaw at tamang impormasyon ang lahat.
PAGLILINAW (Part 3)
Ang Wind Turbine Project ay proyekto na gumagamit ng lakas ng hangin na ginagamitan ng makabagong teknolohiya na kung saan ang lakas nito ay ikino “convert” bilang kuryente na pwedeng magamit sa ating mga tahanan. Kabilang ang wind energy project na ito ng Romblon Electric Cooperative Inc (ROMELCO) sa mga renewable energy project gaya ng ocean, solar at tidal na ikinukonsidera ng Environmental Management Bureau (EMB) na hindi naglalabas ng mga delikadong usok o fluids na makakasira sa kapaligiran. Kaya po ang ROMELCO ay ginawaran ng Certificate of Non-Coverage (CNC) ng Department of Environmental and Natural Resources (DENR) sa ilalim ng EMB para sa proyekto nitong Wind Turbine Project dahil ito ay purong Rewable Enery lamang ang inilalabas. Hindi po ito katulad ng ibang planta ng kuryente na gumagamit ng mga diesel na gasolina o mga biogas project na sumusunog ng mga waste materials na naglalabas ng usok na nakakasanhi ng polusyon sa kapaligiran. Ang mga plantang naglalabas ng mga maruruming usok at fluids naman ang ginagawaran ng ECC o Environmental Compliance Certificate dahil sa sistema ng kanilang pagprodyus ng mga enerhiya na nakakasanhi ng polusyon sa kapaligiran.
Malaki ang pinagkaiba ng dalawang sertipikong ito at iyon ang dapat na ilagay sa isip ng mga nagnanais magbigay ng opinyon sa usapang ito. Sa kabilang banda, kung nabigyan man ang koop ng CNC, hindi ito rason para hindi niya ipagpatuloy ang kanyang nasimulang misyon na mabigyan ng maayos at maaasahang serbisyo ng kuryente ang kanyang mga member-consumers. Higit sa lahat ang sertipikong ito ang nagbibigay lakas upang maging responsable pa ang ROMELCO para sundin ang mga panuntunan ng pamahalaan para sa mga programang ganito, ayusin pa at pagyamanin ang proyektong ito para sa nakararami.
Sana po ay nalinawan ang lahat sa usaping ito, gayundin naman nawa ay maging inspirasyon ito sa inyong lahat na pag igihin pa ang pagbibigay niyo ng serbisyo sa inyong nasasakupan kung kayo man ay naglilingkod para sa kapakanan ng nakararami, sa pamamagitan ng pagsasaayos pa ng inyong sistema at teknikal na programa upang hindi maging hadlang sa inyo ang mga pag unlad na nangyayari sa ibang industriya na mas pinagtutuunan niyo ng pansin na dapat mas bigyan niyo ng solusyon at pagtuunan ng atensiyon ang sarili niyong problema.
Sa muli ang paglilinaw na ito ay walang nais na siraing institusyon o tao bagkus gustong bigyang linaw at tamang impormasyon ang lahat.
Maraming Salamat po.
ANG TAGAPAMAHALA
June 27, 2018
Sa aming mga minamahal na Miyembro Konsumedores:
PAKSA: The Biliran Electric Cooperative Inc (BILECO) visited Romblon Electric Cooperative Inc. (ROMELCO) today June 27, 2018 for their benchmarking being part of their mandate in providing reliable and cheap electricity in their area.
BILECO BENCHMARKING
The Biliran Electric Cooperative Inc (BILECO) visited Romblon Electric Cooperative Inc. (ROMELCO) today June 27, 2018 for their benchmarking being part of their mandate in providing reliable and cheap electricity in their area. Team BILECO is composed of 5 personnel two o f them from finance department and the rest are technical people. They will visit the solar hybrid power plant in Brgy Cobrador Romblon, Romblon as part of their study being a recipient also of another hybrid project from South Korea.
They chose Romelco because it successfully implemented the same project in Cobrador and they would like to know more on the technical side and ratemaking of ROMELCO.
ROMELCO staff headed by Mr Peter Morante Officer-in-Charge welcomed the BILECO team at ROMELCO Headquarters in Brgy Capaclan Romblon, Romblon.
ANG TAGAPAMAHALA
June 27, 2018
Sa aming mga minamahal na Miyembro Konsumedores:
PAKSA: Sa lahat po ng Member Consumers ng Romelco partikular sa Sitio Interior Brgy Capaclan Romblon, Romblon, magkakaroon po ng line maintenance.
LINE MAINTENANCE!
Sa lahat po ng Member Consumers ng Romelco partikular sa Sitio Interior Brgy Capaclan Romblon, Romblon, magkakaroon po ng line maintenance sa inyong lugar ngayong June 27, 2018 mula ala una hanggang alas kwatro ng hapon (1pm – 4pm) dahil magsasagawa po ng pag aayos sa linya ng ROMELCO. Maraming Salamat po.
ANG TAGAPAMAHALA
June 25, 2018
Sa aming mga minamahal na Miyembro Konsumedores:
PAKSA: Noong June 23, 2018 ay binisita ng ROMELCO team ang mga area offices nito sa munisipyo ng Corcuera at Banton at pinulong ang mga kawaning nakatalaga dito upang sa kanila ay muling ipaalala ang tunay na misyon ng koop na maaasahang serbisyo ng kuryente.
AREA INSPECTION AND MONITORING
Sa mga kawal ng pailaw, bawal ang salitang bukas na lalo na sa mga bagay na kailangang gawin at aksiyon na. Ang Romblon Electric Cooperative Inc (ROMELCO) sa pangunguna ni GM Rene Fajilagutan ay hindi nagpapahinga sa kanilang gawain at responsibilidad na masigurong maayos at ligtas ang pagbibigay serbisyo ng kuryente sa nasasakupan nito.
Noong June 23, 2018 ay binisita ng ROMELCO team ang mga area offices nito sa munisipyo ng Corcuera at Banton at pinulong ang mga kawaning nakatalaga dito upang sa kanila ay muling ipaalala ang tunay na misyon ng koop na maaasahang serbisyo ng kuryente. Binigyang diin din ni GM Rene Fajilagutan ang pagpapakita nila ng dedikasyon sa trabaho at pagbibigay ng mataas na pagrespeto sa mga member consumers na siyang tunay na boss ng mga kawani ng koop. Ang pagbisita ay hindi lamang upang maiparating ng management ang misyon nito sa kanila kundi upang mapakinggan din ang kanilang mga suhestiyon upang lalong mapabuti pa ang serbisyo ng Romelco sa bawat munisipyo na kabilang sa coverage area nito. Kasama sa pagbisita ang Institutional Manager ng Romelco na si Mr. Peter Morante, Technical Manager Engr Basilio Diaz, Operation and Maintenance Head Engr Dimar Sy, HR/Admin Officer Ms Mary Ann Tumanon at Info Officer Alma Regala.
Pinuntahan din ng hukbo ang mga linya ng kuryente partikular ang mga bagong rehab sa lahat ng barangay sa munisipyo ng Corcuera upang masigurong maayos ito at ligtas. Ang mga opisina ng koop sa munisipyo ay pinagtuunan din ng pansin na mapanatiling maayos at malinis gayundin ang mga empleyado. Nagkaroon din ng pre orientation sa mga representante ng Multi Sectoral Electrification Advisory Council (MSEAC) sa Corcuera na ibinigay naman ni Info Officer Alma Regala sa pangunguna ni ISD Manager Peter Morante preparasyon sa pagdating ng mga opisyal ng National Electrification Administration (NEA) sa July 2018.
Ang mga ganitong monitoring ng Romelco ay palaging isinasagawa upang mapanatiling maganda at tama ang pagbibigay serbisyo ng kuryente ng mga kawani sa kanilang mga areas na siyang pangunahing misyon ng Romelco sa kanyang mga member consumers.
ANG TAGAPAMAHALA
June 23, 2018
Sa aming mga minamahal na Miyembro Konsumedores:
PAKSA: Apat na panibagong Hydro Power Plants ang muling niluluto ng Romblon Electric Cooperative Inc (ROMELCO) para sa isla ng Sibuyan sa mga munisipyo ng Cajidiocan at Magdiwang para madagdagan pa ang supply ng kuryente sa buong isla.
ADDITIONAL HYDRO POWER PLANTS
Apat na panibagong Hydro Power Plants ang muling niluluto ng Romblon Electric Cooperative Inc (ROMELCO) para sa isla ng Sibuyan sa mga munisipyo ng Cajidiocan at Magdiwang para madagdagan pa ang supply ng kuryente sa buong isla. Kamakailan lamang ng Mayo 24, 2018 ay tinipon ng ROMELCO ang buong team ng maniniliksik upang masimulan ang pag aaral sa apat na bagong site ng hydro.
Sinimulan na ang teknikal na pag aaral ng pangunguha ng pang araw araw na datos gaya ng taas ng tubig sa mga sites. Nagsagawa na din ng massive information dissemination sa mga residente ng barangay na pagtatayuan ng mga bagong power plants at naging positibo naman ang tugon ng lahat kaagapay ang kanilang mga suhestiyon upang mas mapaganda pa ang proyekto. Ang mga barangay na pagtatayuan ng mga hydro ay Barangay Lumbang Este at Weste, Barangay Danao, Brgy Cantagda sa Cajidiocan at Brgy Silum sa Magdiwang. Sa munisipyo naman ng Romblon ay pinagplaplanuhan din ang Barangay ng Sablayan kung saan may malaking source ng tubig doon.
Ang ROMELCO ay hindi tumitigil sa pagbuo ng mga proyektong makakatulong pa sa mga membe-consumers sa darating pang panahon. Ang punong tagapamahal ng koop na si GM Rene Fajilagutan ay hindi lamang binigyan ng pansin ang kasalukuyang pangangailangan ng member-consumers para sa serbisyo ng kuryente kundi ang panghinaharap pa na magiging katayuan nito.
ANG TAGAPAMAHALA
