October 27, 2022
Sa aming mga minamahal na Miyembro Konsumedores:
PAKSA: CEBECO 3 in ROMBLON
Waya guid nag pang duha duha nga tinawid ng mga empleyado ng Cebu Electric Cooperative Inc. (CEBECO-3) ang mga isla halin sa inda para makaabot sa Romblon, Romblon agud nga makita lang ang mga Renewable Energy Projects ng ROMELCO.
Ang inda tatlo ka adlaw nga pag bisita tuna October 26, 2022 hay napuno ning sari-sari nga reaksiyon magtuna sa pagbilib ninda sa mga Romblomanon MCO nga kalma kag simple lang pag abot sa pagpangabuhi kag hugot nga pag suporta sa mga RE projects ng ROMELCO.
Hambay ninda diri lang ninda nakita nga maski maisot nga probinsya ang Romblon hay sari sari ang proyekto nga inda nakita kag matutun-an nahungod sa Renewable Energy (RE) Projects kay gusto man ninda nga I-replicate o kopyahun ang mga programa nga tsadni sa inda lugar parehas ng mga solar system sa bubong ng mga Barangay Covered Court, WindMill, Hydro Power Plant, Biomass Gasifier kag mga Electric Bike nga powered ng kuryente halin sa malimpyu nga source.
Ang tagipusuon ng buong ROMELCO Team hay mainit gid nga gina welcome ang aton mga bisita halin sa Cebu para makatau positibo nga impluwensiya sa inda para sa maayo nga pag serbisyo sa aton mga MCO.
