September 07, 2017

 

Sa aming mga minamahal na Miyembro Konsumedores:

 

PAKSA: Muling sinimulan ng Romblon Electric Cooperative, Inc (ROMELCO) ang programa nitong Sitio Electrification para sa taong 2017.

 

 

Muling sinimulan ng Romblon Electric Cooperative, Inc (ROMELCO) ang programa nitong Sitio Electrification para sa taong 2017. Nauna ng binisita ng koop ang mga lugar sa munisipyo Romblon noong Agosto 30-31,2017 at kabilang sa mga ito ang Sitio Lumboy at Sitio Maligaya sa Barangay Lio, Sitio Bukid at Sitio Ilang Ilang sa Barangay Agbudia at Sitio Agpayao Tayod sa Barangay Calabogo.

 
Sa meeting isinagawa ang pre membership orientation ng mga magiging miyembro gayundin ang pagbuo ng Electric Consumer Association o ECA. Binanggit din sa meeting ang mga palibreng makakamit ng mga residente kabilang na dito ang mga materyales ng kuryente para sa loob ng tahanan, libreng bayad sa brgy electrician sa pag instula nito, metro at posteng paglalagyan nito at libreng pag proseso ng dokumento sa opisina ng koop.

 
Ang programa ng Sitio Electrification ay hindi lamang sa munisipyo ng Romblon nakalaan kabilang din makakatanggap ay ang mga sitio sa munisipyo ng Corcuera, Magdiwang, Cajidiocan, at San Fernando. Layunin pa rin ng programa na maipaabot sa kanayunan ang serbisyo ng kuryente sa libreng instulasyon nito para sa mga residenteng walang kakayahang magpakabit ng serbisyo ng kuryente sa kanilang mga tahanan.

 

 

 

ANG TAGAPAMAHALA