March 01, 2022
Sa aming mga minamahal na Miyembro Konsumedores:
PAKSA: PERFORMANCE ASSESSMENT
TAGUMPAY: “Performance Assessment” ng FSD para sa mga Pinalangga nga Collecting Agents
Feb. 25, 2022 hay ang adlaw kung sa diin ginghiwat sa Romblon Electric Cooperative, Inc. (ROMELCO) Main Office ang kauna-unahan nga “Performance Assessment Meeting” para sa mga Collecting Agents nga naka-assign sa kada barangay sa Probinsiya ng Romblon.
Ini nga meeting hay ging patawag ng Finance Services Department (FSD) sa pangunguna ni Ms. Feldar M. Miron (FSD Manager) kaibahan ang iya mga ka departamento agud mapasalamatan ang tanan nga mga mahugod kag maasahan ta nga mga agents. Nalipay ang tanan kay igwa sertipiko kag cash nga premyo ang mga deserving nga mga collecting agents para sa “Most Productive”, Most Reliable, Loyalty Award kag Most Dedicated Awards”.
“Salamat guid sa ROMELCO nga gina-pamunuan ni Engr. Rene M. Fajilagutan kay gina-taw-an guid kame importansya nga mga collecting agents, kabay pa nga ini nga aktibidad hay maka-inspire pa guid sa amon nga tanan agud maghugod pa gid kami para makabulig sa aton collection efficiency” imaw ini ang gahiyum-hiyum nga paliwanag ni Ms. Nerlita R. Maaba habang gabaton ng iya mga awards sa meeting.
Ging sigurado man ng aton mga taga FSD nga ma-refresh ang aton mga agents sa inda nga mga duties and responsibilities bilang miyug-panukot ng aton kooperatiba, ang tanan nga mga reminders magtuna sa due date kag kung anu ang matatabo kung maulihi pag-remit hay ging eksplikar tanan ni Ms. Mary Ann Tumanon (Finance Supervisor).
Si Ms. Joan Mae F. Anastacio (Audit Staff) naman ang nag-paliwanag ng iba-iba nga nakakaligtaan ng mga agents kag ging tudlo man niya kung paanu ang mga ine hay maitama. “kung halimbawa hay nagkamali kamu butang ng petsa hay indo lang baglisan kaisa, indi guid kurisan o butangan “correction tape” agud pag-audit hay kilaya kung anu ang nakasulat nga mali sa ging baglisan”.
Ini nga programa ng ROMELCO hay para mapagaan ang pagbayad ng aton mga Miyembro-Konsumedores kag maiwasan ang pagkaigwa “Surcharge” sa inda mga bayaran sa kuryente. Idugang pa nga sinda hay makakatipid ning pamasahe kag budlay pagkadto sa opisina ng ROMELCO.
February 21, 2022
Sa aming mga minamahal na Miyembro Konsumedores:
PAKSA: INFORMATIONAL MEETING SA MUNISIPYO NG BANTON
Ging bisita ng mga empleyado ng ROMELCO ang mga barangay sa Munisipyo ng Banton ng February 14-18, 2022 para mag palatnag sa mga Member Consumers Owners (MCO) ng mga programa ng koop kag mataw an sinda ning mga impormasyon hanungod sa detalye ng operasyon ng Romelco.
Isa sa mga proyekto ng koop hay ang Sitio Electrification Program (SEP) 2022 kung sa diin hay taw-an libre nga pakuryente ang mga pamayay nga huga-huga kag maaagihan ng bago nga linya agud maiwasan na ang mga illegal flying connections o pag tap sa mga bayay nga waya pa serbisyo ng kuryente.
Kaibahan da sa mga programa ng koop hay pakusugon ang linyada ng mga Member Consumers Owners ng ROMELCO agud nga maka partisipar sinda sa mga proyekto ng koop kag makabulig nga ma proteksiyunan ang inda mga karapatan nga makabaton ning deretso nga mga bugna halin sa gobyerno kag pigaran ang mga pribado ng kompanya nga naga banta nga parahon tanan nga programa sakali sinda na ang mag dumaya sa mga koop ng kuryente sa buong Pilipinas.
January 19, 2022
Sa aming mga minamahal na Miyembro Konsumedores:
PAKSA: INFORMATIONAL MEETING SA BRGY. COBRADOR
Ang grupo ng mga taga ROMELCO hay nagtinguha gid nga makaabot sa Brgy. Cobrador Romblon, Romblon ng Enero 17, 2022 kung sa diin ging pangunahan ni Engr. Rene M.Fajilagutan kaibahan ng mga department managers nga sina Engr. Basilio M. Diaz(TSD) Ms.Fe M.Carreon (ISD) kag Ms. Feldar M. Miron (FSD) ang pagkadto para nga maka istorya personal sa “Informational Meeting” ang pumuluyo kag mga miyembro-konsumedores sa Isla de Cobrador.
Una nga ging paliwanag nina Ms. Alma B. Regala kag Engr. Basilio Diaz Jr. ang mga laye nga nakasulat sa RA 11361 o ang ginatawag nga Anti-Obstruction of Power Lines kung sa diin hay klaro guid nga nasambit sa ine nga laye nga bawal guid magtanum ning mataas nga mga klase ng tanum o kahoy kag niyug malapit sa mga wire nga ginalatayan ng kuryente. Ginabawal man ang mag-pandabok malapit sa mga linya o sa idayom ng mga wire ng kuryente kay ang mga ine hay gina tawag nga “hazardous” kung sa diin hay puyde nga maging dahilan ng sunog kag pagkasira ng mga wire ng kuryente. Sa pag ugdok naman ning mga bayay kag mga building hay guina padumdum guid sa aton ang 2.3 (vertical) kag 3.8 naman paibabaw o (horizontal) metro nga distansya sa power line corridor (PLC), agud ang disgrasya hay aton maiwasan pananglit nga may aksidente nga makahawid sa ine nga mga wire kung inde kita magsunod sa ginapa-implementar nga laye ng aton gobyerno.
“Ang kabuhi ng tawo isa lang, ang mga bayay kag building hay puyde guid ipa-ugdok liwat, ngane SAFETY FIRST” imaw ine ang seryoso nga paliwanag ni GM Rene M. Fajilagutan sa informational meeting nga personal guid nya nga ging atenderan.
Pag-abot naman sa ROW- Clearing hay mabaskog guid ang pag padumdum sa aton nga mga MCO’s nga kita hay dapat magtugot nga ipa-pungon ang mga sanga kag mga niyog nga naga-laylay kag naga sagyad sa aton mga wires kay imaw ine ang pirme nga dahilan ng brownout o ginatawag man nga “line fault”.
Kaibahan man sa mga napag-istoryahan sa meeting ang maisot nga background kung pauno nagtuna ang paiwag sa Cobrador paagi sa presentation nga pinakita ni Ma’am Fe M. Carreon, ang aton ISD Manager. Nalilipay nya nga ging “remind” kung pauno nag-asenso ang Cobrador paagi sa 24-oras nga suplay ng kuryente sa isla. Tanan da nga mga nag-tambong sa info meeting hay aktibo nga nagpartisipar kag nag-tao ng inda mga opinion kag suhestyon sa paga-implementaron nga rate adjustment sa buong isla.
Sinigurado naman ng mga taga ROMELCO nga nasunod ang required health protocols hasta matapos ang meeting.
Salamat guid nga madamo sa aton mga MCOs nga nag tao oras sa pagpamati sa mga ging talakay sa informational meeting.
December 29, 2021
Sa aming mga minamahal na Miyembro Konsumedores:
PAKSA: WARRIORS OF LIGHT
Mga “Warriors of Light” ng ROMELCO
Sa Palawan ang DERETSO
agud mag tao bulig
para ang linya ng kuryente
nga nasira ni bagyong ODETTE
hay mapa-kaayu LIWAT,
GM RENE kaibahan Ng iya mga puno ng duha nga departamento (TSD kag ISD) bulig nga todo hay TINAO
agud ining napuyo nga paiwag SUNDALO
hay makaabot “on time” sa PALECO
Duha (2) nga foremen kag wayo 
nga linemen
malarga arinyan agud kuryente sa PALAWAN hay maibalik sa nga daan.
Para sa mga MCOs nga ang kuryente hay inda guid ginakahinangyan.
November 23, 2021
Sa aming mga minamahal na Miyembro Konsumedores:
PAKSA: ROMELCO AKTIBO SA PAGSULONG NG GREEN ENERGY
Anu guid baya ini ang Green Energy?
Para sa impormasyon ng amon mga Miyembro-Konsumedores, ang Green Energy hay ang mga klase ng ginabuy-an naton kuryente nga halin sa aton mga natural resources kaparehas ng tubi, hangin, kag solar (energy halin sa adlaw). Ini nga mga energy sources hay barato, limpyo kag ang aton kalikasan hay indi mabubutang sa peligro.
Tanan nga paagi hay ginahuman ng Romblon Electric Cooperative, Inc. (ROMELCO) agud kita nga tanan hay makabenepisyo sa tiyad ine nga power supply.
Sa ariniyan, hay igwa na kita ning Hydro Power Plant sa bilog nga isla ng Sibuyan- ang aton Cantingas Mini Hydro Power Plant nga naga supply 24/7 ning limpyo nga kuryente sa Magdiwang, Cajidiocan, kag San Fernando, Romblon.
Dire naman sa munisipyo ng Romblon hay yara ang aton tatlo nga Wind Turbines, sa isla de Cobrador naman hay fully operational ang aton Hybrid Solar-Diesel Power Plant kag igwa man kita mga distributed 200 kW Grid-Tied Solar Rooftop sa mga barangay ng Mapula, Lunas, Macalas, kag Ilauran.
Ini nga adlaw hay okupado ang iskedyul ng aton GM na si Engr. Rene M. Fajilagutan sa mga webinar nga ang handum hay mapalap-nag ang mga kaayuhan kag benepisyo ng Green Energy o Renewable Energy (RE) resources.
October 20, 2021
Sa aming mga minamahal na Miyembro Konsumedores:
PAKSA: NATIONAL COOPERATIVE’S MONTH AND NATIONAL MENTAL HEALTH MONTH CELEBRATION
Sa padayon nga pag-celebrate ng “National Cooperative’s Month and National Mental Health Month” ang mga empleyado ng ROMELCO sa tanan nga coverage area hay aktibo nga nag-participate sa webinar ng PHILRECA nga “Take It Easy, Mga Kasama sa EC” ini nga adlaw October 20, 2021 adlaw ng Martes.
“Kaayu magpamati sa mga resource speakers lalo na guid Kay Dra. Eva Angeli Bustillo kay hambay Niya hay importante guid arinyan nga panahon Ng pandemya Ang “self care and social support”. Imaw Ini ang nalilipay nga reaksyon ni Ms. Minerva R. Mellendrez-IAD manager ng ROMELCO.
Ini nga seminar hay daku nga bulig sa tanan nga mga empleyado ng mga electric cooperatives kay ang mga topic nga ging tudlo hay mga paagi Kung pauno naton ma-maintain ang makusog nga mental kag physical health naton nga aspeto habang Kita hay adlaw-adlaw nga naga perform ng mga trabaho para makata-o ning maayu nga serbisyo sa aton mga MCOs.
September 07, 2021
Sa aming mga minamahal na Miyembro Konsumedores:
PAKSA: BAGYONG JOLINA
Ang bagyo nga JOLINA hay maari nga mag agi anuman nga oras sa aton probinsiya ini nga adlaw gani ang tanan hay gina payuhan nga mag ingat kag magtinir sa inda mga panimalay.
Asahan po naton nga maga kaigwa kita mga “Power Interruptions” sakali magkusog ang hangin kag uyan gani ang tanan hay gina paalalahanan nga maghanda ning mga chargeable lamps, de baterya nga flashlights, mga pagkaun, medical kit kag tubig na inumon.
Sakali maga kaigwa kita ning mga mahaba nga brownout sa aton mga lugar dahil sa epekto ng bagyo asahan po naton nga ang “restoration” o pag ayos ng mga linya ng kuryente, mga sira nga metro kag poste hay pagkatapos na ng bagyo para maiwasan ang anuman nga aksidente.
Magpamati po kita sa mga balita sakali may mga paglikas na himuon ang aton ng mga lokal na opisyal sa aton lugar.
Mag dahan po kita tanan kag Magsalig nga ilayo kita sa anuman nga disgrasya ng aton Ginoo.
August 27, 2021
Sa aming mga minamahal na Miyembro Konsumedores:
PAKSA: 2021 PHILRECA CONVENTION AND 42ND ANNUAL GENERAL MEMBERSHIP MEETING
Congratulations ROMELCO Family!!
“Sa gitna ng unos may darating na liwanag.”
2021 PHILRECA CONVENTION And 42nd ANNUAL GENERAL MEMBERSHIP MEETING.
“Padayon sa pagtau maayo nga serbisyo sa amon mga MCO.”
July 31, 2021
Sa aming mga minamahal na Miyembro Konsumedores:
PAKSA: SOLAR PROJECT
Ang ROMELCO hay padayon sa pagmintina ng iya proyekto nga ROOF TOP MOUNTED GRID-TIED SOLAR PROJECT sa munisipyo ng Romblon para nga makatau episyente nga serbisyo kag limpyu nga kuryente sa mga Member Consumers Owners (MCO) ng ROMELCO.
Ang mga barangay nga natakuran ng ini nga pasilidad sa inda mga covered court hay ang Brgy. Mapula, Lunas, Ilauran kag Macalas. Ini nga proyekto hay maga duro pa kay imaw ini ang handum ng aton kooperatiba, ang mag kaigwa Renewable Projects sa iya nasasakupan para nga makasarang sa kahinangyan nga kuryente ng aton komunidad.
June 14, 2021
Sa aming mga minamahal na Miyembro Konsumedores:
PAKSA: ROMELCO 32nd ANNIVERSARY
ROMELCO 32nd ANNIVERSARY!!!
Ini nga adlaw ng Hunyo 14, 2021 hay nagmarka sa kalendaryo nga ma taw-an ang ROMELCO ning 32 anyos nga seryoso nga pagtau serbisyo sa mga Member-Consumer-Owners (MCO) sa iya nasasakupan sa liderato ni Engr. Rene M. Fajilagutan bilang General Manager ng koop nga ging selebrar sa Tiamban Beach Resort Barangay Lonos Romblon, Romblon.
Ang mga maswerte nga Barangay Civil Force o Barangay Tanod (2 kada brgy) ng 31 nga barangay ng munisipyo ng Romblon ang naging bisita ng ROMELCO kag nataw an ning pinansiyal nga bulig nga may kaibahan nga grocery pack bilang pasalamat sa inda waya sawa nga pagtau ning proteksiyon kag suporta sa inda mga pamuluyo lalo na sa mga MCO ng Romelco magtuna pa ng una hanggang niyan nga may pandemya. Gina saluduhan namon ang tanan nga brgy. civil force sa amon mga coverage area.
PADAYON SA PAGTAU MAAYO NA SERBISYO SA TANAN NGA MCO!!!
HAPPY 32nd ANNIVERSARY ROMELCO!!! MABUHAY!!! 
