September 26, 2019
Sa aming mga minamahal na Miyembro Konsumedores:
PAKSA: SITIO ELECTRIFICATION 2019
Patuloy ang ROMELCO sa pagtupad ng sinumpaang mandato nito na mabigyan ng serbisyo ng kuryente ang mga lugar na wala pang linya ng kuryente hanggang sa ngayon sa loob ng anim na munisipyo na coverage area nito. Hindi alintana ng mga kawani ng koop ang lakas ng unos na kanilang kinaharap lalong lalo na sa paghahakot ng mga poste mula munisipyo ng Romblon hanggang Corcuera maparating lamang nila ito sa lugar upang hindi maantala ang programa.
Sa kasalukuyan ay patuloy ang konstruksiyon ng mga linemen ng koop sa munisipyo ng Corcuera (Simara) kung saan may dalawapung (20) sitios ang mabibigyan ng palibreng pa kuryente ang mga residenteng nakatira dito partikular ang mga malalapit sa linyang itatayo ng programa. Humigit isang daang residente din ang mabibiyayaan ng proyektong ito na matagal ng umaasam na mapailawan ang kanilang mga lugar sa munisipyo ng Corcuera.
