April 30, 2022
Sa aming mga minamahal na Miyembro Konsumedores:
PAKSA: BARANGAY ASSEMBLY DAY
ROMELCO: AGA PA SA AGNAY
Ang grupo ng ROMELCO sa pangunguna ni GM Rene M. Fajilagutan hay aga pa guid nga nagkadto sa Brgy. Agnay, Romblon para personal nga mag-attend sa inda assembleya sa ini nga adlaw nga nag tuna eksakto alas otso (8:00am) April 30, 2022.
Salamat guid sa pamuluyo ng Brgy. Agnay sa imbitasyon kay daku guid nga bulig sa ROMELCO ine nga tsansa agud mapalapnag naton ang mga importante nga impormasyon kag pasayod nahanungod sa operasyon ng aton kooperatiba.
“Ang aton ROMELCO hay hutuhot guid nga gina pa implementar ang RA 11361 o Ang Anti-Obstruction of Power Lines Act agud ang mga line faults nga ginasiling hay maibanan o tuluyan na guid nga masolusyunan kay imaw ine ang pirme nga ginatunaan ng brownouts. Gane pangabay guid namon nga magtugot kamu nga ipapungon ang mga sanga ng kahoy kag mga pakyang ng niyog nga nagasabyay sa aton mga linya ng kuryente” imaw ine ang sinsero nga ging eksplikar ni GM Rene sa halos 150 nga attendees ng pa meeting.
